Sankovič raskazała, jak biełaruskich spartsmienaŭ prymali ŭ Paryžy
Hienieralny sakratar Nacyjanalnaha alimpijskaha kamiteta Biełarusi himnastka Ksienija Sankovič padzialiłasia ŭražańniami ad udziełu biełaruskaj delehacyi ŭ Alimpijskich hulniach u Paryžy.
16.08.2024 / 12:55
Ksienija Sankovič. Skryn videa: ont_by / YouTube
U efiry ANT jana raskazała, što biełarusaŭ prymali «vielmi dobra».
«Ja nie viedaju, nakolki heta było ščyra, ale my nie adčuvali nijakaha cisku, nijakaha niehatyvu. I ŭsie spartsmieny ŭ intervju heta paćviardžali. Nie było nijakaj ahresii», — adznačyła Sankovič.
Pa jaje słovach, kali surazmoŭcy daviedvalisia, što jany ź Biełarusi, to reakcyja była zaŭsiody stanoŭčaj. «Ja nie viedaju, mahčyma, heta takaja jeŭrapiejskaja vietlivaść».
Himnastka dadała, što biełaruskaja delehacyja vielmi pieražyvała adnosna taho, jak budzie pryniata.
«Nie chaciełasia, kab na spartsmienaŭ byŭ jašče bolšy cisk, bo ŭ ich chapaje roznych prablem. Chaciełasia ich ad hetaha adharadzić, kab jany skancentravalisia tolki na vystupleńni», — dzielicca Sankovič.
«A kali stali zavajoŭvać miedali, to jany skazali: «Nu, rabiaty. Pryjechali, skład maleńki, dva hady nie vystupali. Umovy takija składanyja — i vystupajecie. Nu, prosta «brava».
Biełaruski batutyst Ivan Litvinovič staŭ dvuchrazovym alimpijskim čempijonam
Viadučy BT raskazaŭ, jak jaho nie chacieli puskać u Paryž na Alimpijadu. Ale jon pieramoh