U Hiermanii šukajuć 38-hadovaha biełarusa, jaki nie ŭmieŭ płavać, ale spjanu palez u voziera i, chutčej za ŭsio, patanuŭ
Jaho 45-hadovy suajčyńnik pasprabavaŭ uciačy ad palicyi.
16.08.2024 / 11:03
Ilustracyjnaje fota. Krynica: Roman Studio / Getty Images
Pa infarmacyi niamieckaha kanała WRD, trahiedyja adbyłasia na voziery Bokcholter (Bockholter) kala miascovaści Himbte niedaloka ad horada Hrevien u ziamli Paŭnočny Rejn-Viestfalija.
Kampanija z troch mužčyn, siarod jakich dva biełarusy i ich znajomy niemiec ź Miunstera, piła na bierazie. Biełarusy — 38-hadovy i 45-hadovy — pajšli papłavać.
Kali z vady vynyrnuŭ tolki adzin ź ich, niemiec adrazu vyklikaŭ ekstrannyja słužby.
Starejšy biełarus pasprabavaŭ pakinuć voziera. Ale jaho mašyna zahrazła kala bieraha. U vyniku jon u stanie mocnaha apjanieńnia byŭ zatrymany palicyjaj.
Paviedamlajecca, što palicyja i ratavalniki hadzinami abšukvali voziera ŭ pošukach małodšaha biełarusa, vykarystoŭvajučy vyratavalny viertalot i vadałazaŭ. Adnak pošuki nie dali vynikaŭ. Palicyja miarkuje, što heta byŭ niaščasny vypadak (pa papiarednich danych, biełarus nie ŭmieŭ płavać), ale rasśledavańnie viadziecca va ŭsich napramkach.
Palicyja Hreviena prosić mahčymych śviedak padzialicca infarmacyjaj.
U Hdańsku biełarus streliŭ ukrainskamu siabru ŭ patylicu. Kula zachrasła ŭ hałavie, a chłopcy praciahnuli pić