Украіна ўзяла ў палон сотні расійскіх салдат у Курскай вобласці. Расія ўжо ініцыявала перамовы пра абмен
Сярод палонных — шмат расійскіх салдат тэрміновай службы. УСУ ўдалося правесці найбуйнейшы захоп праціўніка за адзін раз.
15.08.2024 / 13:51
Праект: Хочу жіть
Расія ініцыявала перамовы з Украінай наконт абмену палоннымі, захопленымі ў Курскай вобласці.
Пра гэта распавёў упаўнаважаны Вярхоўнай Рады па правах чалавека Дзмітрый Лубінец. З ягоных слоў, размову аб абмене палоннымі ініцыявала ягоная расійская калега Таццяна Маскалькова.
Украінская вайсковая разведка пацвердзіла, што вядзе перамовы аб абмене з расейскім бокам, піша The Financial Times.
Кіеў не раскрывае колькасць узятых у палон у Курскай вобласці расійскіх вайскоўцаў, аднак чыноўнікі і салдат на мяжы паведамляюць, што лік ідзе на сотні. Сярод палонных — шмат расійскіх тэрміновай службы, якіх паланілі ў самым пачатку аперацыі УВСУ.
Паводле звестак украінскіх спецслужбаў, УСУ на адным з этапаў наступу ўдалося правесці найбуйнейшы захоп праціўніка, які адбыўся за адзін раз.
Украінскія ўлады прапанавалі жыхарам Курскай вобласці эвакуявацца на тэрыторыю Украіны
Роту расійскіх салдат узялі ў палон у Курскай вобласці
У пачатку баёў у Курскай вобласці расіяне прымалі ўкраінцаў за сваіх
Масква не звярталася па дапамогу да АДКБ у сувязі з падзеямі ў Курскай вобласці