Вывозяць цэлымі вёдрамі і нават багажнікамі. На Гродзеншчыне неверагодны грыбны бум

Аднак, нягледзячы на вялікі ўраджай, цэны на рынках усё яшчэ высокія.

13.08.2024 / 14:29

Фота: Newgrodno.by

У лясах пад Гроднам на выходных было літаральна не праціснуцца, а дзе-нідзе на лясных дарогах збіраліся нават заторы. Але гэта не перашкодзіла людзям сабраць вялікі ўраджай.

Бралі ў асноўным баравікі. Такога не было даўно. У гэтым сезоне белыя рэзка сталі расці літаральна ўсюды: у старых лясах, у маладняках, у лісцяных і хваёвых пасадках.

Фота: Newgrodno.by

Грыбоў вельмі шмат. Звычайны паход у лес завяршаецца поўнымі вёдрамі і кошыкамі. Хтосьці рабіў некалькі заходаў: як вынік — поўны багажнік.

Фота: Newgrodno.by

Парэчча ж, як і звычайна, стала месцам паломніцтва для тых, хто любіць лісічкі. Гэтых грыбоў у лясах таксама дастаткова. На рынках і ў сацсетках дастаткова прапаноў і аб продажы грыбоў. Хтосьці нават абяцае прадаць з дастаўкай. Але не варта думаць, што нябачаны ўраджай у лесе збіў цану на грыбы. Гэта па-ранейшаму дарагі тавар.

Фота: Newgrodno.by

Напрыклад, маленькія маладыя баравічкі прадаюць па 25 рублёў за кіло. За 15 рублёў гатовыя аддаць вялікія грыбы.

Фота: Newgrodno.by

На лісічкі роскід цэн крыху большы. Ёсць варыянты ў раёне 7-10 рублёў за кілаграм.

Nashaniva.com