Na polskaj miažy znoŭ mocna vyrasła čarha z aŭtobusaŭ
Sajt Pamiežnaha kamiteta daje nastupnyja źviestki pa stanie na 8:00 paniadziełka.
12.08.2024 / 08:32
Čarha z aŭtobusaŭ na pierachodzie «Brest». Fota: telehram-kanał t.me/belgranica
Na miažy z Polščaj u punkcie propusku «Brest» pa stanie na 08:00 — 79 aŭtobusaŭ i 480 lehkavikoŭ (u subotu ranicaj byli 63 aŭtobusy i 450 lehkavikoŭ).
U «Kamiennym Łohu» na litoŭskaj miažy pierad zonaj čakańnia aŭtobusaŭ niama, a staić 180 lehkavikoŭ.
U «Bieniakoniach» — 100 lehkavikoŭ. Čerhaŭ z aŭtobusaŭ niama.
U «Hryharaŭščynie» na łatvijskaj miažy čarhi z aŭtobusaŭ niama, staić 35 lehkavikoŭ (viečaram było 50 lehkavikoŭ).
U pačatku tydnia Minsktrans prezientavaŭ telehram-kanał, dzie možna sačyć za zatrymkami aŭtobusaŭ.
Jon paviedamlaje, što aŭtobus Vilnia — Minsk z časam adpraŭleńnia ŭ 8.00 ź Vilni stajaŭ u 07:25 na litoŭskaj miažy ŭ napramku stalicy susiedniaj dziaržavy (aŭtobus AN8575-7).