Pajšoŭ papić i zabłukaŭ. Stali viadomyja padrabiaznaści źniknieńnia chłopčyka ŭ Ščučynskim rajonie
Znajšli dzicia miascovyja žychary, jakija adpravilisia šukać jaho ź milicyjaj i MNS.
11.08.2024 / 20:25
Trochhadovaha chłopčyka, jaki zhubiŭsia ŭ lesie ŭ Ščučynskim rajonie, znajšli miascovyja žychary, paviedamiŭ «Sputniku» kiraŭnik PSA «Anioł» Siarhiej Koŭhan.
Dzicia źnikła ŭ niadzielu, 11 žniŭnia, kala 14:30 u lesie kala vioski Daŭludaŭščyna. Šukać jaho adpravilisia supracoŭniki miascovaha RAUS, MNS, vajskoŭcy ŭnutranych vojskaŭ i dobraachvotniki.
Pa słovach Koŭhana, chłopčyk ź dziadulem i baćkam adpraviŭsia pa hryby, u niejki momant jon zachacieŭ pić i pajšoŭ da mašyny pa vadu, jakaja znachodziłasia niepadalok.
Usiaho kala 320 čałaviek šukali małoha na praciahu čatyroch hadzin.
«Znajšli chłopčyka miascovyja žychary za dva kiłamietry ad miesca, dzie znachodzilisia darosłyja», — skazaŭ Koŭhan.
Jon taksama adznačyŭ, što dzicia ŭ miedycynskaj dapamozie nie mieła patreby, i jaho pieradali baćkam.