Z pamiežnych z Ukrainaj rajonaŭ Kurskaj vobłaści vyvieźli bolš za 76 tysiač čałaviek
Ministerstva nadzvyčajnych situacyj Rasii paviedamiła pra «časovaje pierasialeńnie» 76 tysiač žycharoŭ z rajonaŭ Kurskaj vobłaści, jakija miažujuć z Ukrainaj.
10.08.2024 / 20:08
Skrynšot ź videa
«Pryjarytetnym kirunkam raboty apieratyŭnaha štaba źjaŭlajecca adsialeńnie žycharoŭ hetych rajonaŭ u biaśpiečnyja miescy. Usiaho z pačatku praviadzieńnia hetaj pracy ŭ biaśpiečnyja miescy było časova adsielena bolš za 76 tys. čałaviek», — paviedamiŭ žurnalistam na pres-kanfierencyi pradstaŭnik MNS Rasii ŭ mižviedamasnym apieratyŭnym štabie Arciom Šaraŭ.
Pavodle jaho słoŭ, ciapier razhornuta 60 punktaŭ časovaha raźmiaščeńnia, u tym liku 26 — u Kurskaj vobłaści. Astatnija pracujuć u Arłoŭskaj, Maskoŭskaj, Tulskaj, Varoniežskaj, Lipieckaj, Kałužskaj i Ćviarskoj abłaściach.
Učora rasijskija ŭłady ŭviali ŭ Kurskaj, a taksama ŭ Biełharadskaj i Branskaj abłaściach režym kontrterarystyčnaj apieracyi, źviazany z uvachodam na terytoryju Kurskaj vobłaści padraździaleńniaŭ USU.
MZS Biełarusi nazvała «aktam teroru» dziejańni USU ŭ Kurskaj vobłaści
«Padłavili va ŭpor sa Stynhiera». U Kurskaj vobłaści źbili rasijski viertalot Ka-52
Łukašenka zajaviŭ pra źniščeńnie pavietranych celaŭ z Ukrainy nad terytoryjaj Biełarusi