MZS Biełarusi nazvała «aktam teroru» dziejańni USU ŭ Kurskaj vobłaści
Ministerstva zamiežnych spraŭi vystupiła z zajavaj, u jakoj «rašuča asudziła dziejańni ŭkrainskich uzbrojenych farmavańniaŭ u Kurskaj vobłaści Rasii».
10.08.2024 / 15:21
Fota: Naša Niva
«Ź vielizarnaj tryvohaj i bolem usprymajem padziei, jakija adbyvajucca ŭ apošnija dni ŭ Kurskaj vobłaści Rasijskaj Fiederacyi. Rašuča asudžajem dziejańni ŭkrainskich uzbrojenych farmavańniaŭ, jakija pajšli na hetuju biessensoŭnuju avanturu, jakaja robić bolš žorstkim kanflikt u našym rehijonie», — havorycca ŭ zajavie.
«Dla nas nieprymalnyja ataki na cyvilnaje nasielnictva, mirnyja vioski i harady, metanakiravanaje paškodžańnie infrastruktury, akty teroru. Usie hetyja dziejańni ŭkrainski bok pradprymaje na fonie zajaŭ svajho palityčnaha kiraŭnictva ab hatoŭnaści da pieramovaŭ. Nasamreč takija vyłazki i eskałacyja tolki addalaje pierśpiektyvy ich adnaŭleńnia i spynieńnia kanfliktu, da čaho niaźmienna zaklikaje biełaruski bok», — zajavili ŭ MZS.
Łukašenka zajaviŭ pra źniščeńnie pavietranych celaŭ z Ukrainy nad terytoryjaj Biełarusi
Chrenin: Łukašenka zahadaŭ uzmacnić hrupoŭki vojskaŭ na miažy z Ukrainaj kala Homiela i Mazyra