Kamandzir atrada kadyraŭcaŭ raskazaŭ, čamu jany nie spynili USU na miažy. Ich vierałomna abyšli
Padraździaleńni čačenskaha śpiecnaza «Achmat», jakija achoŭvali dziaržaŭnuju miažu Rasii z Ukrainaj, nie spynili ŭvarvańnie USU ŭ Kurskaj vobłaści, bo tyja prosta prajšli mima ich pazicyj, zajaviŭ kamandzir «Achmata» Apci Ałaŭdzinaŭ.
08.08.2024 / 21:43
Apci Ałaŭdzinaŭ (sprava) z kiraŭnikom Čačni Ramzanam Kadyravym
Pavodle słoŭ kamandzira kadyraŭcaŭ, ukrainskija vajskoŭcy prarvalisia na terytoryju Rasii ŭ rajonach raźmiaščeńnia šmatbakovych aŭtamabilnych punktaŭ propusku (MAPP).
«Spačatku praciŭnik prajšoŭ […] praz učastki, dzie vialikaja adlehłaść ad našych apornych punktaŭ była, potym technikaj, jak toj kazaŭ, užo naŭprost padskočyŭ, padjechaŭ, tankami razdaŭbaŭ MAPPy i prajšoŭ», — raskazaŭ Ałaŭdzinaŭ.
Jon pachvaliŭ USU za stratehiju. «Jany dobra ŭsio praličyli, pradumali. Usie ŭčastki jany prajšli, […] Adpracavali jany piśmienna, małajcy», — pryznaŭ kadyraviec.
U toj ža čas jon adznačyŭ, što «ničoha trahičnaha nie adbyłosia», choć u rasijskaha boku «jość straty i pałonnyja».
«Tak, praciŭnik zajšoŭ na pryhraničnyja terytoryi, niekalki nasielenych punktaŭ zaniaŭ, maksimalna sprabuje prasoŭvacca, naroščvaje svaje siły. […] Situacyja na miescy… Ja dumaŭ, viadoma, što jana mienš šyrokaja, čym ciapier daviedaŭsia. Ale, što b chto ni kazaŭ, ja nie baču ničoha krytyčnaha, akramia taho, što my ciapier vajujem na terytoryi Rasijskaj Fiederacyi», — zajaviŭ Ałaŭdzinaŭ.
Jon taksama zapeŭniŭ, što bajcy «Achmata», jakija byli na miažy, dahetul znachodziacca na svaich pazicyjach.
«Situacyja pakul praciahvaje paharšacca». Rasijskija vajenkary pišuć pra pośpiechi USU
Hierasimaŭ pad atakaj telehram-kanałaŭ: pra Kursk papiaredžvali, ale jon ničoha nie zrabiŭ
Syrski za siońnia zrabiŭ Zialenskamu try dakłady — «mienavita takija, jakija patrebnyja»
Rybar: Situacyja ŭ Sudžanskim rajonie ciažkaja
U Kurskuju vobłaść z Mali pierakidvajuć bajevikoŭ PVK «Vahnier»
Źjaviłasia VIDEA taho, jak rasijskija pamiežniki zdalisia ŭ pałon