Byłaja premjerka Banhładeš moža paprasić prytułku ŭ Biełarusi
Indyjskaje vydańnie Free Press Journal paviedamlaje, što ciapier eks-premjerka Banhładeš Šejch Chasina, jakaja niadaŭna pakinuła krainu z-za masavych pratestaŭ, znachodzicca ŭ Indyi pad uzmocnienaj achovaj. Ale zastavacca jana tam nie źbirajecca, a siarod miescaŭ, kudy patencyjna moža adpravicca, vydańnie čamuści zhadvaje i Biełaruś.
08.08.2024 / 15:52
76-hadovaja Šejch Chasina — dačka pieršaha premjera Banhładeš Mudžybura Rachmana (1971—1975), jaho samoha i ŭsiu siamju sa svajakami zastrelili padčas sproby pieravarotu ŭ 1975 hodzie. Usiaho tady zabili 20 členaŭ siamji Mudžybura Rachmana. Dźvie jaho dački tady byli za miažoj. Wikimedia Commons
Raniej paviedamlałasia, što palityk płanavała paprasić prytułak u Vialikabrytanii, ale brytanskija ŭłady dali zrazumieć, što nie harantujuć pravavoj abarony ŭ vypadku mahčymaha rasśledavańnia masavych pratestaŭ u Banhładeš, jakija pryviali da hibieli sotniaŭ ludziej.
U suviazi z hetym u jakaści patencyjnych dziaržaŭ dla prytułku Šejch Chasina nibyta razhladaje Biełaruś, AAE, Katar, Saudaŭskuju Araviju i Finlandyju.
76-hadovaja Šejch Chasina zajmała pasadu premjer-ministra Banhładeš ciaham 15 hadoŭ. Palityk padała ŭ adstaŭku i pakinuła krainu na fonie masavych pratestaŭ, jakija praciahvajucca ŭ hetaj krainie z kanca lipienia.
Nobieleŭskaha łaŭreata Junusa pryznačyli časovym premjeram Banhładeš
84-hadovy nobieleŭski łaŭreat Muchamad Junus pahadziŭsia ŭvajści ŭ časovy ŭrad Banhładeš
Armija Banhładeš zajaviła pra stvareńnie Časovaha ŭrada
Pratesty ŭ Banhładeš: premjer-ministr pakinuła krainu, natoŭp zachapiŭ jaje rezidencyju
U Banhładeš u sutyknieńniach z palicyjaj zahinuli 170 čałaviek