Biełaruskija multyplikatary źniali novyja sieryi zachaplalnaha histaryčnaha sieryjała pra Franaka
Biełaruskamoŭnaja placoŭka Baybus prezientavała novyja sieryi multsieryjała «Pryzma času»
08.08.2024 / 12:07
Franak i Zosia žyvuć u svajho dziadźki-navukoŭca, jaki sprabuje stvaryć mašynu času. Adnaho razu mašyna parušaje suviaź časoŭ, i ludzi pačynajuć zabyvać svajo minułaje. Kab vyratavać śviet, Franak i Zosia pavinny patrapić u 10 roznych stahodździaŭ biełaruskaj historyi i sabrać častki Pryzmy Času — hałoŭnaj detali, dziakujučy jakoj dziadźka Broniuś moža spynić katastrofu. U ich pryhodach im dapamahaje razumny sabačka Badzi i rycar Adam, jaki vartuje Prastoru-Pamiž-Časam.
«Pryzma času» — heta zajmalny i adukacyjny multsieryjał, jaki dapamahaje dzieciam i darosłym lepš zrazumieć historyju Biełarusi praz zachaplalnyja pryhody. Multsieryjał stvarajecca na biełaruskaj movie i spryjaje vyvučeńniu rodnaj movy, kultury i historyi.
Što čakać u novych vypuskach:
U novym siezonie kamanda vypuściła dźvie sieryi, u jakich hałoŭnyja hieroi patrapili ŭ staražytny Połack i navat paznajomilisia ź lehiendarnymi asobami biełaruskaj historyi Rahniedaj i Rahvałodam!
Spasyłki na novyja sieryi: