U Łahojskim rajonie ŭ łabavym sutyknieńni zahinuli dva čałavieki
Avaryja adbyłasia dniom 6 žniŭnia na aŭtatrasie Minsk — Viciebsk.
06.08.2024 / 16:50
Pavodle papiarednich źviestak, 24-hadovaja kiroŭca aŭtamabila Toyota jechała pa aŭtadarozie Minsk-Viciebsk u napramku Łahojska. Na 29 kiłamietry trasy jana nie ŭličyła stan darožnaha pakryćcia i ŭmovy nadvorja — u toj momant išoŭ doždž.
Pavodle infarmacyi MUS, dziaŭčyna pajšła ŭ niekiravany zanos i vyjechała na sustrečnuju pałasu, dzie sutyknułasia z mašynaj Volkswagen.
U vyniku DTZ kiroŭca i pasažyr aŭtamabila Toyota zahinuli na miescy. Jašče 3 udzielniki avaryi dastaŭlenyja ŭ balnicu dla akazańnia mieddapamohi, dzie vyznačajuć stupień ciažaru cialesnych paškodžańniaŭ.
Łahojski rajonny adździeł Śledčaha kamiteta raspačaŭ kryminalnuju spravu pa č. 3 art. 317 (parušeńnie praviłaŭ darožnaha ruchu i ekspłuatacyi transpartnych srodkaŭ asobaj, jakaja kiruje transpartnym srodkam, što paciahnuła pa nieaściarožnaści śmierć dźviuch asob) KK RB.
U Minskim rajonie ŭ DTZ zahinuła 19-hadovaja dziaŭčyna
U Minsku taksist źnios śviatłafor i ŭlacieŭ u aŭtobus. Usio z-za navihatara
U Breście 16-hadovaja dziaŭčyna na matacykle ŭrezałasia ŭ darožny znak