Сёння ў Алімпіядзе возьме ўдзел адзін прадстаўнік Беларусі. За кім сачыць сёння і заўтра?
6 жніўня на Champ-de-Mars Arena пачне выступ у грэка-рымскай барацьбе прадстаўнік беларускай каманды Абубакар Хаслаханаў (вагавая катэгорыя да 97 кг)
06.08.2024 / 08:10
Абубакар Хаслаханаў (у чырвоным) перамагае суперніка з Расіі. Фота: НАК Беларусі
У катэгорыі 97 кг яго першым супернікам у 1/8 фіналу стане Роберт Кобліашвілі з Грузіі. Пачатак спаборніцтваў у 12.30. У 13:50 пройдзе чвэрцьфінал, увечары — паўфінал.
У сераду, 7 жніўня, пройдуць папярэднія заплывы на байдарках з удзелам Уладзіслава Крыўца (1000 метраў). Першы заплыў у 11:40. 1/4 фіналу ў 15:10.
Таксама ў сераду адбудуцца спаборніцтвы па таэквандо (Георгій Гурцыеў, да 58 кг). Выданне Sport Illustrated спрагназавала Георгію золата.
У чацвер, 8 жніўня, пройдуць заплывы на каноэ з удзелам Юліі Трушкінай (200 м).
Фінальныя заплывы на байдарках і каноэ адбудуцца ў суботу.
У беларусаў на Алімпіядзе — тры медалі: золата Івана Літвіновіча ў скачках на батуце, срэбра Віялеты Бардзілоўскай у скачках на батуце, і срэбра Яўгена Залатога ў акадэмічным веславанні.
Лідзіруе па медалях зборная ЗША — 79 медалёў (21 залаты, 30 срэбраных, 28 бронзавых), у Кітая — 53 (21+18+14), у Францыі — 47 (13+16+18).
Арман Дзюпланціс устанавіў новы фантастычны сусветны рэкорд у скачках з шастом на Алімпіядзе
Яўген Залаты прыехаў забіраць жонку з радзільні з алімпійскім медалём ФОТА і ВІДЭА
Алжырская баксёрка, якую раскрытыкавалі за наяўнасць мужчынскіх храмасом, паскардзілася на цкаванне