Deputata małdaŭskaha parłamienta naśmierć ukusiła asa
Deputat małdaŭskaha parłamienta ad uradavaj partyi «Dziejańnie i salidarnaść» (PAS) Juryj Pesat, jaki zajmaŭ taksama pasadu staršyni parłamienckaj kamisii ŭ pytańniach sielskaj haspadarki, pamior 5 žniŭnia ŭ 52 hady. Pryčyna śmierci nie zusim zvyčajnaja.
05.08.2024 / 16:53
Juryj Pesat. Fota: facebook.com/partidulpas
Jak paviedamili ŭ jahonaj partyi, mužčyna pamior ranicaj ad anafiłaktyčnaha šoku, vyklikanaha ŭkusam asy.
«My z hłybokim smutkam paviedamlajem pra śmierć našaha kalehi Juryja Pesata. Jon byŭ addanym, pracavitym i sumlennym kaleham. Na praciahu mnohich hadoŭ jon pracavaŭ na karyść hramadstva», — adznačyli ŭ partyi i vykazali spačuvańni siamji i blizkim deputata.
U parłamiencie Małdovy prachodziać pieratrusy. Padobna, što znoŭ špijanaž
U Maskvie małdavanin pamior paśla taho, jak jamu vyrvali zub
Na «Słavianskim bazary» pieramahła pradstaŭnica Małdovy