U Pinskim rajonie 18-hadovy chłopiec nyrnuŭ u raku i złamaŭ šyju
Małady čałaviek nie raźličyŭ hłybiniu vadajoma.
05.08.2024 / 15:02
Fota ilustracyjnaje
Chłopiec 2006 hoda naradžeńnia ŭ niadzielu dniom vyrašyŭ nyrnuć u raku Pinu.
Adnak małady čałaviek nie ŭličyŭ, što hłybinia ŭ hetym miescy składała ŭsiaho paŭtara mietra. Chłopiec nyrnuŭ u vaśmi mietrach ad bieraha i ŭdaryŭsia hałavoj ab dno raki, paviedamlaje Tavarystva vyratavańnia na vodach.
Maładoha čałavieka vyratavali — vyciahnuli z raki i pieradali miedykam. U jaho dyjahnastavany zakryty pierałom šostaha šyjnaha pazvanka. Chłopiec trapiŭ u reanimacyju, jaho stan aceńvajecca jak ciažki.