Łukašenka: Tyja, chto nahniataje situacyju ŭ tytuniovaj halinie, pojduć daić karoŭ
Alaksandr Łukašenka sabraŭ naradu pa pytańniach raźvićcia tytuniovaj vytvorčaści. I znoŭ strašyŭ čynoŭnikaŭ.
05.08.2024 / 14:09
Fota: Puł pieršaha
U svaim vystupie pierad padnačalenymi Łukašenka tradycyjna paraŭnaŭ situacyju z pačatkam 2000-ch, kali ŭ halinie byli prablemy.
Jon, naprykład, zajaviŭ, što ciapier tytuniovaja vytvorčaść zastajecca adnoj sa značnych krynic papaŭnieńnia biudžetu. Pa vynikach 2023 hoda halina pryniesła 2,5 młrd rubloŭ.
Adnak palityk adznačyŭ, što peŭnyja tendencyi jaho naściarožvajuć.
«Pra ich vy raskažacie, što za naściarožanaści takija. Ci chtości nahniataje situacyju? Toj, chto nahniataje, pojdzie zaŭtra daić karoŭ. Kali ich voźmuć u sielskaj haspadarcy», — pryhraziŭ Łukašenka čynoŭnikam.
Jon zajaviŭ, što treba pryniać miery, kab maksimalna zachavać abjomy vytvorčaści i ekspartu.
Jakija mienavita tendencyi ŭ tytuniovaj halinie naściarožvajuć Łukašenku, jon nie rastłumačyŭ.