BDUIR zaviaršyŭ nabor płatnikaŭ. Siaredni bał usiaho na 13 mienš, čym na biudžet
Samyja vysokija prachadnyja bały na płatnuju formu 359 bałaŭ i 350 bałaŭ.
05.08.2024 / 13:25
Ilustracyjnaje fota
BDUIR raskazaŭ ab zaviaršeńni naboru na płatnuju formu navučańnia. Zaličana bolš za 900 studentaŭ-płatnikaŭ, piša Devby.io.
Sioleta na dzionnuju płatnuju formu navučańnia było padadziena 994 zajavy. Rašeńniem pryjomnaj kamisii da zaličeńnia na pieršy kurs rekamiendavana bolš za 900 abituryjentaŭ.
Samyja vysokija prachadnyja bały na płatnuju formu — na śpiecyjalnaściach «Prahramnaja inžynieryja» (359 bałaŭ) i «Infarmatyka i technałohii prahramavańnia» (350 bałaŭ) fakulteta kampjutarnych sistem i sietak. I na śpiecyjalnaść «Prahramnaja inžynieryja» na fakultecie kampjutarnaha prajektavańnia (343 bały).
Na zavočnuju skaročanuju formu atrymańnia adukacyi na ŭmovach apłaty sioleta da zaličeńnia rekamiendavana bolš za 500 vypusknikoŭ kaledžaŭ.
Na dystancyjnuju i zavočnuju płatnuju formy navučańnia zaličany ŭsie abituryjenty, jakija padali zajavu.
Hetym letam pryjom dakumientaŭ na ŭsie formy navučańnia ŭžo skončany. Usiaho ŭ 2024 hodzie ŭ BDUIR padali zajavy kala 3300 čałaviek. Siarod ich dva abituryjenty, jakija nabrali 400 bałaŭ.
Siaredni bał zaličanych abituryjentaŭ pa dzionnaj formie atrymańnia adukacyi skłaŭ: za košt srodkaŭ biudžetu — 344 bałaŭ, na ŭmovach apłaty — 331 bał. Z bałam 300 i vyšej dakumienty padali 1 793 čałavieki. Pałova tych, chto padaŭ dakumienty —dzieci z rehijonaŭ.