U Biełarusi buduć źbirać jašče adno kitajskaje aŭto — premijalnaje
Kitajskaja kampanija Hongqi (jana vypuskaje aŭto kłasu luks) płanuje zapuścić vytvorčaść biznes-siedana H5 na zavodzie «Junisan» u Biełarusi, piša «Aŭto Mail».
04.08.2024 / 23:29
Fota: «Aŭto Mail»
Vykanaŭčy dyrektar Hongqi Rus Ivan Savieljeŭ raspavioŭ, što spačatku ŭ Biełarusi chacieli źbirać darestajlinhavy krasovier HS5, ale paśla abnaŭleńnia madeli ŭ kampanii paŭstali sumnievy z nahody kanviejernaha vypusku.
Ivan Savieljeŭ taksama adznačyŭ, što ciapier siedan H5 — zapatrabavanaje taksi ŭ biznes-kłasie, tamu što jon vielmi kamfortny — zzadu źmieściacca navat try čałavieki. Što tyčycca daŭžyni, to aŭtamabil bolš, čym anałahi Toyota i Mercedes-Benz. Taksama H5 karystajecca papularnaściu ŭ pradstaŭnikoŭ dziaržorhanaŭ.
Pieršy dylerski centr kitajskaha brenda Hongqi pačaŭ pracavać u Minsku ŭ 2023 hodzie.