U Izraili mužčyna z nažom napaŭ na ludziej u troch roznych miescach horada
U horadzie Chałonie mužčyna z nažom zładziŭ sieryju napadaŭ na mirnych žycharoŭ. Zahinuli dva čałavieki, jašče dvoje paranieny.
04.08.2024 / 13:12
Słužby chutkaha reahavańnia pracujuć na miescy napadu ŭ Chałonie, Izrail, 4 žniŭnia 2024 h. Fota: AP Photo / Tomer Appelbaum
U vyniku napadu žančyna 66 hadoŭ pamierła na miescy, jaje 70-hadovy muž pamior u mašynie chutkaj dapamohi. Pa infarmacyi ŚMI, para ździajśniała ranišniuju prabiežku, kali na ich napali.
Jašče dvoje paranienych byli špitalizavany. Heta mužčyny va ŭzroście 68 i 26 hadoŭ, jany znachodziacca ŭ ciažkim i siarednim stanie. Za ich žyćcio zmahajucca miedyki.
Palicyja zastreliła napadnika. ŚMI pišuć, što heta 34-hadovy Amar Adech, žychar Zachodniaha bieraha Iardana. Raniej u pole zroku palicyi jon nie traplaŭ.