Cichanoŭskaja budzie mieć status nacyjanalnaha lidara Biełarusi da momantu praviadzieńnia svabodnych vybaraŭ u krainie
Ofis Śviatłany Cichanoŭskaj, Abjadnany pierachodny kabiniet i Kaardynacyjnaja rada padpisali pratakoł, jaki vyznačaje miechanizmy ŭzajemadziejańnia pamiž demakratyčnymi siłami. Padpisańnie adbyłosia ŭ Vilni padčas kanfierencyi «Novaja Biełaruś».
04.08.2024 / 00:36
Śviatłana Cichanoŭskaja na kanfierencyi «Novaja Biełaruś» u Vilni
U dakumiencie zafiksavana, što Śviatłana Cichanoŭskaja jak pieramožca vybaraŭ-2020 maje status nacyjanalnaj lidarki Biełarusi. Hetuju rolu jana budzie vykonvać da momantu praviadzieńnia sumlennych i svabodnych vybaraŭ u krainie. Albo da ŭłasnaha rašeńnia spynić svaju dziejnaść u jakasci lidarki.
Pratakoł padpisali sama Śviatłana Cichanoŭskaja jak kiraŭnica Abjadnanaha pierachodnaha kabinieta, Alaksandr Dabravolski z boku Ofisa Cichanoŭskaj, a taksama Anžalika Mielnikava jak śpikierka Kaardynacyjnaj rady.