Tramp zachacieŭ pieranieści debaty z Charys na respublikanski telekanał. Taja suprać
Kandydat u prezidenty ad Respublikanskaj partyi Donald Tramp prapanavaŭ pravieści debaty ź vice-prezidentkaj ZŠA Kamałaj Charys, jakaja źbirajecca być jahonaj supiernicaj na prezidenckich vybarach, 4 vieraśnia na telekanale Fox News, viadomym svajoj padtrymkaj respublikancaŭ. Adnak u štabie vice-prezidenta ZŠA abvinavacili palityka ŭ bajaźlivaści i admovilisia niešta mianiać.
03.08.2024 / 21:46
Donald Tramp. Fota: AP
Praviły debataŭ na Fox News byli b anałahičnyja pieršym debatam, praviedzienym jašče z prezidentam Džo Bajdenam, zajaviŭ Tramp u svaim paście ŭ sacyjalnaj sietcy Truth pozna ŭviečary ŭ piatnicu. Ale prapanavanaje miesca ich praviadzieńnia idzie ŭ razrez ź minułymi damoŭlenaściami, zhodna ź jakimi debaty pavinny byli prajści na telekanale ABC.
«Donald Tramp napałochany i sprabuje admovicca ad debataŭ, na jakija jon užo pahadziŭsia, i biažyć prosta ŭ Fox News, kab toj vyručyŭ jaho», — zajaviŭ u subotu dyrektar pa kamunikacyjach pieradvybarčaha štaba Charys Majkł Tajler.
I prapanavaŭ byłomu prezidentu ZŠA spynić hulni dy pryjści na debaty, zapłanavanyja na ABC na 10 vieraśnia.
Prapanova Trampa ab praviadzieńni debataŭ na telekanale Fox News pastupiła nieŭzabavie paśla taho, jak nacyjanalny kamitet Demakratyčnaj partyi ŭ piatnicu zapuściŭ rekłamnuju kampaniju, u jakoj zajaviŭ, što «asudžany złačyniec baicca debataŭ», i zadaŭsia pytańniem, ci nie źviazana heta ź jahonaj pazicyjaj u dačynieńni da abortaŭ.
Raniej Tramp zajaviŭ u intervju na Fox News, što «vierahodna, u kančatkovym vyniku» voźmie ŭdzieł u pieradvybarčych debatach z Charys, ale pry hetym raskrytykavaŭ Demakratyčnuju partyju za zamienu kandydata, nazvaŭšy heta «pieravarotam».
Donald Tramp žorstka raskrytykavaŭ praviedzieny abmien źniavolenymi
Štab Kamały Charys usiaho za tydzień sabraŭ rekordnuju sumu na jaje prezidenckuju kampaniju
Prezidenckaja honka ŭ ZŠA radykalna padzialiła maładych žančyn i mužčyn. U kaho jakija pryjarytety?
Tramp — amierykancam: My z usim raźbiaremsia tak, što vam bolš nie pryjdziecca hałasavać