У беларускай прасторы Kropka ў Тбілісі скралі ўсе ахвяраванні
Пра крадзеж ахвяраванняў падчас мерапрыемства паведаміла беларуская прастора Kropka ў Тбілісі. Скралі «амаль усе грошы з данатаў» і асабістыя грошы адміністратара ўстановы, піша «Позірк».
31.07.2024 / 13:13
Фота: з тэлеграм-канала «Кропкі»
Інцыдэнт здарыўся 23 ліпеня, у той дзень у памяшканні адбывалася пасяджэнне клуба беларускай літаратуры.
На запытанне «Позірку», ці звярталіся супрацоўнікі ўстановы ў паліцыю, прыйшоў адказ, што «вырашылі пакуль не дзяліцца дэталямі».
Прастора, якая выконвае розныя функцыі, у тым ліку каворкінг-офіса і бібліятэкі беларускай літаратуры, знаходзіцца ў цэнтральнай частцы грузінскай сталіцы і працуе ўжо некалькі год.
Да аднайменнай творчай прасторы і крамы, якую ў маі адчынілі ў Вільні былы палітвязень Дзмітрый Фурманаў і яго жонка Вольга, дачынення не мае.