U Polščy zatrymali vykładčyka Vajskovaj akademii. Jon nie raz jeździŭ u Biełaruś
Jon vykraŭ danyja tysiač supracoŭnikaŭ polskich śpiecsłužbaŭ.
31.07.2024 / 12:50
U Polščy zatrymany vykładčyk Vajskovaj akademii, jakija vykraŭ danyja tysiač supracoŭnikaŭ polskich śpiecsłužbaŭ, paviedamiŭ telekanał TVN.
«Vajskovaja žandarmieryja zatrymała supracoŭnika Vajenna-histaryčnaha biuro i adnačasova vykładčyka Akademii vajennaha mastactva. U jaho byli znojdzieny tysiačy asabistych tečak supracoŭnikaŭ śpiecsłužbaŭ», — havorycca ŭ paviedamleńni. Taksama paviedamlajecca, što akramia tečak z danymi supracoŭnikaŭ śpiecsłužbaŭ, u zatrymanaha vykładčyka pry pieratrusie była znojdzienaja dziciačaja parnahrafija.
Telekanał śćviardžaje, što pa hetaj spravie aprača Vajennaj žandarmieryi i prakuratury pracuje taksama Słužba vajskovaj kontrraźviedki. Taksama ŭ materyjale TVP śćviardžajecca, što zatrymany Pavieł P. nieadnarazova naviedvaŭ Biełaruś.