Alina Zmuška nie vyjšła ŭ paŭfinał Alimpijady na 200 mietrach brasam, staŭšy apošniaj u svaim zapłyvie
U zvodnaj tablicy kvalifikacyi biełaruska abyšła tolki dźviuch spartsmienak.
31.07.2024 / 12:24
Fota: alina_zmushko / Instagram
Biełaruska Alina Zmuška, jakaja vystupaje pad niejtralnym ściaham, nie zmahła siońnia prabicca ŭ finał Alimpijady na dystancyi 200 mietraŭ brasam.
Zmuška ŭdzielničała ŭ pieršym kvalifikacyjnym zapłyvie i finišavała na apošnim, siomym, miescy z vynikam 2.28.19.
U ahulnaj tablicy horš za biełarusku prapłyli tolki dźvie dziaŭčyny. Dla trapleńnia ŭ paŭfinał nieabchodna było ŭvajści ŭ lik 16 najlepšych.
Nahadajem, Zmuška dabrałasia da finału na stomietroŭcy brasam, adnak tam finišavała apošniaj.
Biełaruskija płyŭcy i płyŭčychi zaviaršyli svoj udzieł u Alimpijadzie.