Unuk zabiŭ babulu, bo taja paprasiła jaho nie pić
36-hadovaha žychara Drybinskaha rajona abvinavačvajuć u zabojstvie ŭłasnaj babuli. Kanflikt, jaki abiarnuŭsia trahiedyjaj, adbyŭsia paśla taho, jak 81-hadovaja žančyna paprasiła ŭnuka spynić vypivać doma.
31.07.2024 / 10:05
Adbyvałasia ŭsio z 13 pa 16 lipienia. Mužčyna piŭ u svajoj kvatery. Razam ź im žyła jaho stareńkaja babula, jakaja, budučy invalidam I hrupy, nie mahła samastojna pierasoŭvacca.
«Na zroblenuju babulaj zaŭvahu ab spynieńni ŭžyvańnia ałkaholu ŭnuk nanios joj nie mienš za dziesiać udaraŭ rukami i nahami pa roznych častkach cieła, u tym liku ŭ hałavu i pa tułavie», — paviedamlaje prakuratura Mahiloŭskaj vobłaści.
Ad traŭmaŭ žančyna pamierła na miescy. Paviedamlajecca, što paśla hetaha abvinavačany praciahnuŭ vypivać i niekatory čas pravioŭ u kvatery razam ź ciełam babuli. Milicyju vyklikali susiedzi.
Mužčynu ŭziali pad vartu.