У Беларусі перастаў працаваць адзін з сэрвісаў для бескантактных плацяжоў
Сэрвіс для плацяжоў смарт-гадзіннікам перастаў працаваць з Беларуссю па рашэнні ўладальнікаў.
29.07.2024 / 14:52
Ілюстрацыйнае фота: Wikimedia Commons
Сэрвіс для бескантактавых плацяжоў гадзіннікамі Fitbit Pay перастаў працаваць у Беларусі.
Сэрвіс у Беларусі падтрымлівалі Беларусбанк, МТБанк і Прыёрбанк. Сістэмай маглі карыстацца ўладальнікі смарт-гадзіннікаў або фітнэс-трэкераў Fitbit.
Беларусбанк і МТБанк паведамілі аб спыненні працы Fitbit Pay з 29 ліпеня. У спісе сэрвісаў, даступных кліентам Прыёрбанка, яго таксама няма.
У банках паведамілі, што рашэнне аб адключэнні сэрвісу ў Беларусі прыняла кампанія-ўладальнік.
Fitbit — амерыканская карпарацыя, якая спецыялізуецца на вытворчасці прылад для фітнэсу і здароўя.