Rejs Minsk — Kutaisi nie dalacieŭ da Hruzii
Jon sieŭ u rasijskaj Astrachani.
29.07.2024 / 11:39
Siońnia nočču bort kampani «Biełavija» Embraer E195LR (EW-513PO), jaki lacieŭ ź Minska ŭ Kutaisi rejsam BRU729, ździejśniŭ niezapłanavanuju pasadku ŭ Rasii. U 03:05 pa miascovym časie samalot pryziamliŭsia ŭ rasijskaj Astrachani, paviedamlaje Motolkohelp.
Dakładnaja pryčyna pasadki ŭ RF pakul nieviadomaja, ale miarkujučy pa ŭsim, u samalota techničnaja niaspraŭnaść. Raniej adnoj z tych niaspraŭnaściaŭ EW-513PO była admova ŭ pracy vientylatara astudžeńnia techničnaha adsieka, a taksama ŭ hetaha samalota pastajannaja prablema ź niepracujučaj dapamožnaj siłavoj ustanoŭkaj.
Za pasažyrami samalota, jaki złamaŭsia, u Astrachań užo vylecieŭ padmienny bort (EW-514PO), jaki pavinien prybyć tudy ŭ rajonie 14:00.