Ratavalniki papiaredzili pra składanyja ŭmovy nadvorja ad samaje ranicy. Čakajucca mocnyja daždžy
Asnoŭny ŭdar stychii pryjdziecca pa pamiežnych ź Litvoj rajonach.
29.07.2024 / 06:42
U mnohich rajonach krainy nazirajecca ŭzmacnieńnie zachodniaha, paŭnočna-zachodniaha vietru paryvami 15-22 m/s, miescami da 25-27 m/s, u mnohich rajonach prahnazujuć mocnyja daždžy.
MNS u svaim telehram-kanale piša pra faktary niebiaśpieki: paškodžańnie linij suviazi i elektrapieradačy, adklučeńnie elektryčnych padstancyj, elektraenierhii ŭ nasielenych punktach, paškodžańnie (abvalvańnie) słaba ŭmacavanych kanstrukcyj, dachaŭ budynkaŭ, zbudavańniaŭ, padzieńnie dreŭ.
Na darohach taksama mohuć być składanyja ŭmovy nadvorja.
Cykłon, jaki viečaram išoŭ na Biełaruś. Pogoda.by
Na bolšaj častcy terytoryi krainy čakajucca daždžy, u mnohich rajonach mocnyja daždžy.
Asnoŭny ŭdar stychii pryjdziecca ranicaj pa pamiežnych ź Litvoj rajonach. U Ašmianach i Astraŭcy moža vypaści da 43 mm apadkaŭ, pry miesiačnaj normie ŭ 88-90 mm. U Minsku čakajecca da 20 mm apadkaŭ.
U asobnych rajonach navalnicy. Viecier zachodni, paŭnočna-zachodni 6—11 m/s, u mnohich rajonach paryvy 15—22 m/s, miescami da 25-27 m/s.
Tempieratura pavietra ad +14°S pa ŭschodzie da +24°S pa paŭdniovym zachadzie.
U Minsku dniom čakajecca ŭsiaho +15..+17°S, mocny doždž.
Na poŭnač Biełarusi idzie redkaj siły cykłon