Pucin pahražaje adkazać na raźmiaščeńnie amierykanskich rakiet u Hiermanii
ZŠA ŭ 2026 hodzie płanujuć prystupić da raźmiaščeńnia ŭ Hiermanii dalnabojnych udarnych sistem. Uładzimir Pucin, vystupajučy na hałoŭnym paradzie Vajskova-marskoha fłotu Rasii ŭ Sankt-Pieciarburhu, prakamientavaŭ hetyja płany.
28.07.2024 / 16:50
Uładzimir Pucin. Fota: Contributor Getty Images
Pucin zajaviŭ, što kali ZŠA raźmieściać u Hiermanii vysokadakładnyja rakietnyja kompleksy, to Rasija moža admovicca ad maratoryja na razhortvańnie rakiet siaredniaj i małoj dalokaści, zdolnych nieści jadziernyja bojehałoŭki. Jon paraŭnaŭ situacyju z časami chałodnaj vajny.
«Siońnia raspracoŭka šerahu takich sistem znachodzicca ŭ nas na zaviaršalnaj stadyi. Budziem prymać lustranyja miery pa ich razhortvańni z ulikam dziejańniaŭ ZŠA i ich satelitaŭ u Jeŭropie i inšych rehijonach śvietu», — pryviało słovy Pucina ahienctva «Interfaks».
Jon dadaŭ, što, kali amierykanskija rakiety buduć u Hiermanii, to ŭ zonie ich dasiažnaści apynucca važnyja rasijskija abjekty dziaržaŭnaha i vajskovaha kiravańnia.
Nie damovilisia? Takoj zakrytaj sustrečy pamiž Pucinym i Łukašenkam jašče nie było
Vialikabrytanija płanuje raspracavać rakiety, jakija zmohuć źniščać rasijskuju jadziernuju zbroju
Eks-dziaržsakratar ZŠA apublikavaŭ imavierny mirny płan Trampa pa Ukrainie. Što ŭ im?