Ізраіль папярэдзіў пра магчымасць поўнамаштабнай вайны з «Хезбалой»
Міністр замежных спраў Ізраіля Ісраэль Кац пасля ракетнага ўдару па Галанскіх вышынях заявіў, што ліванская групоўка «Хезбала» перайшла ўсе чырвоныя лініі і папярэдзіў пра блізкасць поўнамаштабнай вайны з ёй.
27.07.2024 / 22:45
У друзскім паселішчы на Галанскіх вышынях, на якое ўпала ракета. Фота: AP Photo/Gil Eliyahu
Армія Ізраіля заявіла, што ракетны пуск па Галанскіх вышынях быў зроблены з тэрыторыі на поўдні Лівана, які кантралюе групоўка «Хезбала».
Начальнік Генеральнага штаба Арміі абароны Ізраіля ўжо правёў ацэнку сітуацыі сумесна з міністрам абароны і прадстаўнікамі камандавання Паўночнай акругі.
Паведамляецца, што хутка і прэм'ер-міністр Ізраіля правядзе нараду па ацэнцы сітуацыі, якая склалася, з усімі кіраўнікамі сістэмы бяспекі. Інцыдэнт здарыўся, калі Біньямін Нетаньяху знаходзіўся з візітам у ЗША, ён збіраецца вярнуцца на радзіму раней запланаванага тэрміну.
ЗША выказалі «крайнюю заклапочанасць» пагрозай пачатку яшчэ адной вайны на Блізкім Усходзе.
Тым часам колькасць загінулых у друзскім паселішчы Мадждаль-Шамс вырасла да 11-ці. Яшчэ шэсць параненых знаходзяцца ў цяжкім стане. Усе пацярпелыя ва ўзросце ад 10 да 20 гадоў.
На Галанскія вышыні прыляцела ракета, загінулі як мінімум 10 дзяцей і падлеткаў
Ізраіль папярэдзіў Францыю аб магчымым тэракце падчас Алімпіяды
Хусіты абстралялі ізраільскі курорт Эйлат