Stała viadoma, čamu moh abvalicca budynak byłoha RAUS u Homieli
26 lipienia pa vulicy Sialanskaj u Homieli abrynuŭsia fasad byłoha budynka RAUS Centralnaha rajona 1960 hoda pabudovy, jaki znachodziŭsia na rekanstrukcyi. Kab vyśvietlić pryčynu zdareńnia, vydańnie «Fłahštok» pahavaryła z budaŭnikom, jaki znajomy z hetym abjektam.
27.07.2024 / 19:24
Razbureńnie fasada budynka. Fota: Homielskije viedomosti
Na ŭmovach ananimnaści Michaił (imia źmienienaje ź mierkavańniaŭ biaśpieki) paviedamiŭ pra faktary, jakija mahli pryvieści da abrynańnia budynka:
«Novy ŭładalnik-pryvatnik vyrašyŭ nie tłumić hałavy z prajektam. Ekśpiertyzy nie było, rabočyja śvidravali ścieny i pašyrali vokny na svoj strach i ryzyku».
Pryčyna takich pavodzinaŭ, pa słovach Michaiła, u banalnym žadańni aščadzić hrošy:
«Uładalnik budynka chacieŭ zrabić sa staroha budynka milicyi handlovy centr ź minimalnymi ŭkładańniami. Ciapier za ŭsio heta budzie surjozna raspłačvacca».
Vyhladaje, što pašparta abjekta, abaviazkovaha pry praviadzieńni budaŭničych rabot, na budynku byłoha RAUS nie było. U momant abvalvańnia budynka ŭčastak pad im zachoŭvaŭ raniejšaje pryznačeńnie — dla budaŭnictva i absłuhoŭvańnia budynkaŭ dziaržorhanaŭ i śpiecsłužbaŭ.
Apisańnie ziamielnaha ŭčastka byłoha RAUS pa vulicy Sialanskaja, 42 u Homieli. Krynica: publičnaja kadastravaja karta Biełarusi
Ratavalniki pracujuć na miescy abrušeńnia budynka byłoha RAUS u Homieli
U Homieli abrynuŭsia budynak byłoha RAUS. U im u 2020-m katavali pratestoŭcaŭ
Homiel siońnia papłyŭ paśla zalevy VIDEA