Vyhladaje, što Bondaravu zvolnili z «Kamunista Biełarusi». Ciapier jana abvinavačvaje byłych kaleh u derusifikacyi
Danosčyca Volha Bondarava pracavała ŭ haziecie «Kamunist Biełarusi. My i čas» na pasadzie adkaznaj sakratarki. Jašče ŭ numary za 5 lipienia 2024 jana była paznačanaja ŭ vychodnych źviestak, a taksama ŭ jakaści aŭtarki artykuła na pieršaj staroncy. Ale vyhladaje, što bolš Bondarava ŭ haziecie nie pracuje.
27.07.2024 / 18:43
Apošniaja staronka haziety za 5 lipienia 2024 hoda.
U svaim kanale Bondarava raskrytykavała apošni numar vydańnia, źviarnuŭšy ŭvahu na napisańnie słova «biełaruskije» zamieś «biełorusskije» — jak joj, vidać, chaciełasia b:
«Hazieta «Kamunist Biełarusi» zajhrała novymi farbami. Redakcyja vyrašyła admovicca ad praviłaŭ ruskaj movy. Strašna padumać, što budzie dalej i da čaho pryviadzie derusifikacyja. Precedent pierad vačyma — heta Ukraina. Užo byłaja».
«Kamunist Biełarusi. My i čas» — marhinalnaja partyjnaja hazieta. Jaje dekłaravany nakład składaje 1500 asobnikaŭ, ale znajści vydańnie ŭ kijoskach i supiermarkietach amal niemahčyma.
Raniej, u časy Bondaravaj, numary haziety vystaŭlali na sajcie partyi. Ale z 12 lipienia 2024 hoda praktyka spyniłasia. U telehram-kanale Kamunistyčnaj partyi Piatro Piatroŭski patłumačyŭ heta tym, što kiraŭnictva partyi «abnaŭlaje i madernizuje adździeł prapahandy pry CK KPB».
Padobna, što ŭ miežach abnaŭleńnia pazbavilisia i ad Bondaravaj, jakaja zusim niadaŭna dazvalała sabie krytykavać arhanizacyju, jakoj kiruje Viktar Łukašenka i nazyvać adnapartyjca Alaksieja Dziermanta — «łatentnym homaseksuałam». Jašče raniej jana najechała na niaviestku Łukašenki, nazvaŭšy jaje «bečebieskaj i zmaharkaj», za što paśla vybačałasia.
Na kadravyja pieramieny ŭ redakcyi «Kamunista Biełarusi» namiakaŭ telehram-kanał «Hrafač», blizki da ministra infarmacyi Marata Markava.
«Uziaŭ da abiedu pačytać prajekt novaha vypusku haziety «Kamunist Biełarusi. My i Čas» (numar ad 12.07.2024) i niejak u hety raz zusim nie začapiła, biez zapału i drajva. Mahčyma, nie nadta adkazna padyjšoŭ adkazny redaktar. Zdaryłasia što?», — iranizavaŭ «Hrafač».
Reč u tym, što choć śviežy numar «Kamunista Biełarusi» niaprosta znajści ŭ prodažu, u Ministerstva infarmacyi — a značyć, i na stoł Markavu, — haziety traplajuć u abaviazkovym paradku.
Volha Bondarava. Fota: @ola_bondreva
Na hety momant na sajcie Kampartyi ŭ jakaści adkaznaha sakratara haziety KPB paznačany Andrej Łazutkin. Ale heta, chutčej za ŭsio, nieaktualnaja infarmacyja, bo jaho imia było napisana ŭ hetym raździele i raniej, u časy Bondaravaj.
Bondarava nazvała niaviestku Łukašenki bečebieskaj i zmaharkaj
Biasstrašnaja Volha Bondarava najechała na Łukašenku za jaho vystup na paradzie
Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim