Mask raskryŭ, kali humanoidy Tesla buduć u svabodnym prodažy
Kolki budzie kaštavać adzin taki robat i što jon uvohule ŭmieje?
29.07.2024 / 13:19
Humanoidny robat kampanii Tesla pad sieryjnaj nazvaj Optimus. Fota: Wikimedia Commons
Pa słovach miljardera i kiraŭnika kampanii Tesla Iłana Maska, jaho pieradavyja humanoidnyja robaty pad sieryjnaj nazvaj Optimus pačnuć masava pracavać na zavodach kampanii ŭžo ŭ nastupnym hodzie.
A svabodny prodaž robataŭ pačniecca ŭ 2026 hodzie, paviedamlaje ahienctva Bi-bi-si.
Košt adnoj takoj madeli budzie aceńvacca ŭ amal 20 tysiač dalaraŭ (63,5 tysiačy biełaruskich rubloŭ).
Jak pakazvałasia ŭ videa raniej, androidy Optimus užo hod jak umiejuć paŭtarać za čałaviekam samyja prostyja dziejańni, pavolna chadzić pa roznych pamiaškańniach, daśledujučy ŭsio navokał, a taksama akuratna pierakładać rečy z adnaho miesca ŭ druhoje.
Adznačym, što humanoidy Maska źjaŭlajucca nie pieršymi robatami padobnaha typu, jakich płanujuć vykarystoŭvać u masavaj vytvorčaści roznych tavaraŭ. Tak, svaich ułasnych androidaŭ niadaŭna pakazała kampanija BMW i ŭžo aficyjna ŭzhadniła ich vykarystańnie na zavodach pa vytvorčaści aŭtamabilaŭ.
Iłan Mask zajaviŭ, što zhubiŭ syna z-za błakataraŭ pałavoha vyśpiavańnia
Ludzi chutka stanuć niepatrebnyja. Novy składski robat Digit vykonvaje zvyčajnyja hałasavyja kamandy
Čat-boty mohuć padtrymlivać nacyzm i inšyja antyčałaviečyja ideałohii z-za adnoj asablivaści