Śpiavačka Iryna Darafiejeva adpačyvała ŭ Turcyi ŭ hateli 18+ FOTY
U minułym hodzie śpiavačka Iryna Darafiejeva palacieła ŭ adpačynak u Dubaj, a potym na Zanzibar. Ciapier ža byłaja deputatka vybrała bolš papsovy dla biełarusaŭ kirunak — Turcyju.
26.07.2024 / 09:00
Iryna Darafiejeva. Fota: instahram śpiavački
Jana spyniłasia ŭ hateli Balmy Beach Resort Kemer, jaki znachodzicca ŭ kurortnym miastečku Bieldzibi pablizu Kiemiera. Darečy, hatel maje abmiežavańnie «18+», to-bok zasialicca tudy možna tolki bieź dziaciej. Taki adpačynak zvyčajna vybirajuć tyja, chto choča cišyniu i spakoj.
Iryna Darafiejeva vybrała numar z ułasnym basiejnam.
Aficyjna hatel maje čatyry zorki, ale miesca sapraŭdy raskošnaje. Noč u samym tannym numary Balmy Beach Resort Kemer na Booking.com kaštuje kala $780.
Numar z basiejnam. Fota z sajta Booking.com
U svajoj «śpiakotnaj lipieńskaj fotaspravazdačy» artystka padzialiłasia tym, što jeździła na ekskursiju ŭ hory, a taksama spłaŭlałasia pa hornaj race. A pikantny zdymak z basiejna Iryna kakietliva padpisała: «Moža, nie samy ŭdały rakurs, zatoje ad dušy».
Ad Zanzibara da Kyrhyzstana. Dzie adpačyvajuć praŭładnyja śpiavački i prapahandysty