Pryznačyli novaha načalnika DAI
Ministr unutranych spraŭ Ivan Kubrakoŭ pradstaviŭ hałoŭnamu ŭpraŭleńniu DAI novaha načalnika — Viktara Ratčankova.
25.07.2024 / 13:56
Viktar Ratčankoŭ i Ivan Kubrakoŭ. Fota: MUS Biełarusi
«Viktar Ivanavič pačynaŭ inśpiektaram, minuŭ usie słužbovyja prystupki, da apošniaha času byŭ namieśnikam načalnika hłaŭka. Na adkaznuju pasadu naznačany toj, chto viedaje ŭsie niuansy raboty, — padkreśliŭ ministr.
Pałkoŭniku Viktaru Ratčankovu 40 hadoŭ. U 2018-2020 jon pracavaŭ namieśnikam načalnika DAI Minskaj vobłaści, u 2020-2023 uznačalvaŭ DAI Mahiloŭskaj vobłaści, u 2023-2024 byŭ namieśnikam načalnika DAI Biełarusi.
Jak paviedamlała «Naša Niva», Ratčankoŭ u svoj čas asimietryčna adkazaŭ meru Mahilova, jaki ździekvaŭsia ź jaho.
Papiaredni načalnik DAI Vadzim Harkun uznačalvaŭ viedamstva ź listapada 2021 hoda. Ciapier jon syšoŭ na piensiju, bo dasiahnuŭ 50-hadovaha ŭzrostu.