У Магілёве паставілі помнік правобразу калькулятара ФОТАФАКТ
Арт-аб'ект з'явіўся ў гонар 100-годдзя гандлёвых органаў Беларусі.
25.07.2024 / 14:06
Фота: Магілёў-анлайн
Помнік лічыльнікам паставілі ў магілёўскім парку Падніколле. Арт-аб'ект уключае элементы інтэрактыву — моладзь, якая ўпершыню бачыць такі інструмент для падліку, можа пакратаць яго рукамі. А старэйшае пакаленне — успомніць маладосць.
Фота: Магілёў-анлайн
«Знак «Лічыльнікі Гермеса — цалкам рэалістычны. Косткі рухаюцца, праўда, лічыць на такім «калькулятары» змогуць далёка не ўсе. Добра, калі моладзь наогул ведае пра існаванне такога прадмета, без якога ў мінулым не абыходзіўся ні адзін прадавец», — піша «Магілёў анлайн».
Помнік лічыльнікам усталявалі ў гонар 100-годдзя гандлёвых органаў Беларусі. МАРГ абраў гэтую дату, паколькі 25 ліпеня 1924 года быў створаны Наркамат унутранага гандлю.