U Rasii skrali i zdali na mietałałom ceły čyhunačny most
Razabrany most vahoj 60 ton znajšli ŭ adnym z punktaŭ pryjomu mietałaŭ.
25.07.2024 / 16:05
Fota: telehram-kanał «Usy Kurakinoj»
U Skopinie Razanskaj vobłaści skrali ceły čyhunačny most.
Prapažu mosta nad rakoj Vierda vyjaviła miascovaja aktyvistka Śviatłana Kanavałava. Kali mienavita skrali most, nieviadoma. Pavodle jaje słoŭ, jašče letaś jana była ŭ hetych miescach, i tady kanstrukcyja znachodziłasia na miescy, pryčym vykarystoŭvałasia pa pryznačeńni.
Ciapier ža ad mosta zastałosia tolki niekalki apor. Čyhunačnaha pałatna taksama niama, piša abłasnaja razanskaja hazieta.
Aktyvisty napisali zajavu ŭ palicyju. Siłaviki znajšli častku kanstrukcyj mosta ŭ punkcie pryjomu mietałałomu ŭ Razani. Adnak u palicyi nie viedajuć, što z usim hetym rabić — vaha rečavych dokazaŭ składaje 60 ton.
Aktyvistka zapisała videazvarot da kiraŭnika rasijskaha Śledčaha kamiteta Alaksandra Bastrykina z prośbaj znajści most i viarnuć jaho na miesca, a taksama pakarać vinavatych.
Rasijskaja kampanija zrabiła rekłamu «Duša Rusi», skraŭšy fota ŭ biełaruskaj fatohrafki
Samy małady kantraktnik Rasii zahinuŭ va Ukrainie ŭ pieršym ža bai