Suprać mamy anarchista Franckieviča, asudžanaha na 16 hadoŭ kałonii, zaviali kryminalnuju spravu
U čym mienavita abvinavačvajuć Taćcianu Franckievič — nieviadoma.
25.07.2024 / 09:11
Alaksandr Franckievič z mamaj. Fota: Radyjo Svaboda
Suprać Taćciany Franckievič, mamy asudžanaha anarchista Alaksandra Franckieviča zaviali kryminalnuju spravu, pra toje ŭ fejsbuku napisała aktyvistka Jaŭhienija Doŭhaja, piša «Miedyjazona».
U čym mienavita abvinavačvajuć Taćcianu Franckievič — nieviadoma. Pra zatrymańnie Taćciany stała viadoma 19 lipienia, jaje razam ź siastroj zatrymali, kali jany pryjechali ź pieradačaj dla Alaksandra ŭ Vaŭkavyskuju kałoniju.
Alaksandr Franckievič — asudžany na 16 hadoŭ i 9 miesiacaŭ kałonii fihurant spravy «Revalucyjnaha dziejańnia», razam ź im sudzili pravaabaroncu Marfu Rabkovu i jašče dzieviaciarych aktyvistaŭ. Alaksandra abvinavacili pa niekalkich artykułach KK, u tym liku: ab arhanizacyi masavych biesparadkaŭ (artykuł 293 KK), stvareńni ekstremisckaha farmiravańnia albo ŭdziele ŭ im (artykuł 361-1 KK).
U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču
Palitviaźnia Alaksandra Franckieviča znoŭ buduć sudzić