Izrail adkłaŭ uviadzieńnie novych praviłaŭ ujezdu ŭ krainu
Ułady Izraila adkłali da 1 studzienia 2025 hoda ŭviadzieńnie abaviazkovych płatnych elektronnych dazvołaŭ (ETA) na ŭjezd u krainu, paviedamlaje aic.org.il. Pavodle raniejšych płanaŭ, novyja praviły pavinny byli zapracavać užo z 1 žniŭnia, biełarusaŭ jany taksama tyčylisia.
24.07.2024 / 21:19
Sajt dla afarmleńnia ETA (Electronic Travel Authorization) pačaŭ pracu ŭ testavym režymie z 1 červienia 2024 hoda. Z 1 žniŭnia jon pavinien byŭ pačać paŭnavartasna pracavać.
Adnak u vyniku testavy režym vyrašana praciahnuć jašče na piać miesiacaŭ, da 1 studzienia 2025 hoda, bo niekatorym avijakampanijam patrabujecca dadatkovy čas dla padrychtoŭki i ŭkaranieńnia nieabchodnych technałahičnych sistem.
Na praciahu hetaha terminu afarmleńnie ETA dla ŭjezdu ŭ Izrail zastajecca dobraachvotnym i biaspłatnym.
Miarkujecca, što paśla taho, jak abaviazkovy dazvoł ETA-IL usio ž taki ŭviaduć, jon budzie dziejničać na praciahu dvuch hadoŭ abo da daty zakančeńnia terminu dziejańnia pašparta — u zaležnaści ad taho, što adbudziecca raniej. Padača zajaŭki budzie kaštavać 25 šiekielaŭ (kala 7 dalaraŭ).
Biełarusy pa stanie na siońnia mohuć naviedvać Izrail bieź vizaŭ — u krainie možna zastavacca da 90 dzion u kožny pieryjad z 180 dzion.
Izrail pamianiaŭ praviły biaźvizavaha ŭjezdu ŭ krainu
U Izraili pry atacy drona zahinuŭ repatryjant ź Biełarusi