Paśla razburalnaha ŭrahanu da Mazyra padviaduć jašče adnu ŁEP
Ministerstva enierhietyki Biełarusi maje namier pavysić nadziejnaść pracy elektrasietkavaha kompleksu, zajaviŭ jaho kiraŭnik Viktar Karankievič. Dla hetaha padrychtavany halinovy płan mierapryjemstvaŭ, asnoŭnyja punkty jakoha raskryli na pracoŭnaj naradzie pa pytańniach likvidacyi nastupstvaŭ stychii, jakaja prajšła 24 lipienia ŭ Śvietłahorsku.
24.07.2024 / 20:28
Fota ilustracyjnaje
«Padrychtavany prajekt ukaza pa budaŭnictvie novaj vysakavoltnaj linii elektrapieradačy Mikaševičy-Pietrykaŭ-Mazyr, jaki ŭ ciapierašni čas prachodzić uzhadnieńnie z zacikaŭlenymi dziaržorhanami i viedamstvami», — adznačana ŭ paviedamleńni pres-słužby Minenierha.
Ciapier da Mazyra iduć ŁEP z Salihorska i ad padstancyi, jakaja znachodzicca kala Homiela.
U Minenierha adznačajuć, što akramia budaŭnictva novaj ŁEP płanujecca taksama acanić techničny stan reziervovych linij i raspracavać schiemy ich adnaŭleńnia.
Taksama śpiecyjalisty majuć pravieryć elektrasietki i vypracavać miery pa pavyšeńni ich nadziejnaści, a taksama najbujniejšych enierhavuzłoŭ. Havorka idzie pra tyja elemienty infrastruktury, jakija zabiaśpiečvajuć elektryčnaściu pramysłovyja pradpryjemstvy, uklučajučy mazyrskija.
Paśla ŭrahanu biełarusy padali bolš za 10 tysiač zajavak u Biełdziaržstrach
Urahan zakranuŭ nasielenyja punkty, u jakich žyvie bolš za miljon čałaviek
Bolš za 100 vajskoŭcaŭ adpravili ŭ Mazyr i Lelčycy dla likvidacyi nastupstvaŭ urahanu
Minenierha paviedamiła pra adnaŭleńnie elektrazabieśpiačeńnia Mazyra