Donald Tusk pryznaŭ źnižeńnie mihracyjnaha cisku na polska-biełaruskaj miažy
Premjer-ministr Polščy Donald Tusk źviazaŭ źnižeńnie mihracyjnaha cisku na miažy ź Biełaruśsiu ź niadaŭniaj adpraŭkaj na dapamohu ŭ jaje achovie padraździaleńniaŭ palicyi, piša «Radyjo Svaboda».
24.07.2024 / 16:47
Donald Tusk. Fota: Justin Tallis/Pool Photo via AP, File
«Jašče ŭ traŭni było 7 tysiač sprob niezakonnaha pierachodu miažy. Jašče ŭ červieni było kala 4 tysiač sprob parušeńnia miažy, a ŭ lipieni — 800.
Z momantu, jak palicyja dałučyłasia da dapamohi Pamiežnaj achovie na miažy, majem spravu ź vielmi surjoznymi pazityŭnymi faktami. Polšča źjaŭlajecca bolš biaśpiečnaj dziakujučy vašym namahańniam», — skazaŭ Tusk padčas uračystaj imprezy, pryśviečanaj 105-hodździu polskaj palicyi
Polski premjer taksama zajaviŭ, što vyrašyŭ vydzielić na patreby palicejskich padraździaleńniaŭ dadatkovy miljard złotych na budučy hod.
Na fonie abvastreńnia mihracyjnaha kryzisu sioleta naprykancy viasny na polska-biełaruskuju miažu byli adpraŭlenyja padraździaleńni palicyi, padrychtavanyja dla supraćdziejańnia masavym biesparadkam. Siarod ich abaviazkaŭ nie tolki achova miažy, ale taksama i navučańnie pamiežnikaŭ i sałdat śpiecyfičnym pryjomam pracy.
Bufiernaja zona skaraciła kolkaść sprobaŭ praniknieńnia nielehałaŭ u Polšču amal na 65%
Polšča ŭzmacniła achovu miažy ź Biełaruśsiu vajskovaj žandarmieryjaj
Čamu biełaruskija ŭłady aścierahajucca zakryćcia miažy z Polščaj?