Hałoŭnaja zorka zbornaj Ukrainy pierachodzić u ispanski top-kłub
27-hadovy forvard futbolnaj «Žyrony» Arciom Doŭbik siońnia prybudzie ŭ Madryd, kab abmierkavać apošnija detali ŭhody pierad padpisańniem kantraktu z «Atletyka».
24.07.2024 / 16:07
Źleva Arciom Doŭbik. Fota: Alex Caparros / Getty Images
Kłuby dasiahnuli damoŭlenaści ab pierachodzie ŭkrainca za 32 miljony jeŭra. Jašče 6-7 miljonaŭ mohuć być vypłačanyja ŭ vyhladzie bonusaŭ, piša football.by.
Tranśfier budzie kančatkova ŭzhodnieny ŭ chutkim časie.
Doŭbik staŭ najlepšym bambardziram ispanskaj Ła Lihi ŭ minułym siezonie, zabiŭšy 24 hały i addaŭšy 8 vynikovych pieradač u 36 matčach, a jaho «Žyrona» zaniała treciaje miesca, abahnaŭšy akurat «Atletyka», pryčym na piać bałaŭ, i prabiŭšysia ŭ asnoŭny turnir Lihi čempijonaŭ.
Novy siezon ispanskaj Ła Lihi startuje 15 žniŭnia, «Atletyka» ŭ pieršym tury zhulaje z «Viljareałam», a «Žyrona» zhulaje z «Bietysam».
Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili