U Biełarusi zarehistravali terapieŭtyčnuju vakcynu suprać raku
Jana raspracavanaja kubinskimi miedykami.
24.07.2024 / 15:25
Fota: Subamedic.net
U Biełarusi zarehistravali kubinskuju terapieŭtyčnuju vakcynu suprać raku Simavaks (CIMAvax-EGF). Jana raspracavana i praviedziena Centram malekularnaj imunałohii (CIM) Kuby i dastupnaja dla nasielnictva Kuby z 2011 hoda, paviedamlaje ŭ svaim telehram-kanale Minzdaroŭja.
CimaVax-EGF — heta terapieŭtyčnaja vakcyna suprać mietastatyčnaha raku lohkaha, jakaja ŭ šerahu vypadkaŭ moža pavialičvać vyžyvalnaść pacyjentaŭ z poźniaj stadyjaj zachvorvańnia.
Vakcyna teścirujecca ŭ kliničnych daśledavańniach u Jeŭropie i ZŠA, Japonii. Bolš za 6 tys. pacyjentaŭ u śviecie, u jakich byŭ dyjahnastavany rak lohkaha, užo atrymali lačeńnie hetym preparatam. Simavaks zarehistravany na Kubie, u Kałumbii, Bośnii i Hiercahavinie, Pieru i Parahvai, paviedamlaje Minzdaroŭja.
CIMAvax-EGF — pieršaja i adzinaja vakcyna, zarehistravanaja ŭ Respublicy Biełaruś dla lačeńnia niedrobnakletačnaha raku lohkich. Dadzieny srodak pakazany dla padtrymlivajučaj terapii pacyjentam ź niadrobnakletačnym rakam lohkaha na poźnich stadyjach (IIIb/IV) paśla chimijaterapii pieršaj linii i z vysokaj kancentracyjaj epidermalnaha faktaru rostu ŭ syrovatcy kryvi.