Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?
Naminalny naličany siaredni zarobak u Biełarusi ŭ červieni skłaŭ 2270 rubli (brudnymi), paviedamiŭ siońnia Biełstat.
24.07.2024 / 11:43
U paraŭnańni ź miesiacam majem (2119,2 rubla) zarobak vyras na 50,8 rubla. Kali ž adminusavać padatki, to siaredni zarobak «čystymi» składzie 1952,2 rubla.
U Minsku siaredni zarobak składaje 3020,8 rubla «brudnymi», abo 2598 rubloŭ «čystymi».
Kali ŭziać siaredni kurs dalara za červień (3,1902), to ličby buduć nastupnyja: siaredni zarobak u Biełarusi «brudnymi» — 711,5 dalara, 612 dalaraŭ «čystymi».
U Minsku 947 dalaraŭ «brudnymi» i 814 dalaraŭ «čystymi».
Adnak najbolš pravilnym ličycca miedyjanny zarobak, kali pałova rabotnikaŭ atrymlivajuć bolš za hetu sumu, a druhaja pałova — mienš
Miedyjanny zarobak nazyvajecca Biełstatam dva razy na hod: za maj i listapad. Heta pakazčyk, jaki dzielić usie zarobki ŭ krainie na dźvie roŭnyja častki. Takim čynam jon lepš adlustroŭvaje situacyju z zarpłataj pa krainie, čym ličby siaredniaha zarobku.
Za maj 2024 hoda miedyjanny zarobak u Biełarusi skłaŭ 1688,3 rubla.
1688,3 rubla — 525 dalaraŭ pa siarednim kursie za maj, a kali adminusavać padatki, to jaho pamier budzie jašče mienšy: 1452 rubli, abo 452 dalary «čystymi».
U listapadzie minułaha hoda miedyjanny zarobak składaŭ 1499,5 rubla.