Dzikavicki: Kamanda «Biełsata» amal nie maje nijakaha ŭpłyvu na situacyju
Siońniašni kiraŭnik kanała Alaksiej Dzikavicki prakamientavaŭ situacyju z zapavolvańniem pracy «Biełsata». Svoj post jon vykłaŭ u fejsbuku.
24.07.2024 / 11:29
Fota z fejsbuku Alaksieja Dzikavickaha
«Vy peŭna zaŭvažyli, što zapavoliłasia abnaŭleńnie našych partałaŭ, nie pracujuć prykładańni, jość prablemy sa stałym tranślavańniem pieradačaŭ na Youtube.
Na vialiki žal, sama kamanda Biełsat TV maje na hetuju situacyju vielmi abmiežavany ŭpłyŭ, a praŭdu kažučy — amal nijakaha.
Ja vielmi spadziajusia, što bližejšym časam atrymajecca niejkim čynam vypravić situacyju, pierakanać adpaviednych asobaŭ, kab nie pazbaŭlali nas mahčymaściaŭ danosić vam biełsataŭskija prahramy ŭsimi mahčymymi sposabami. Bo vy, našyja hledačy i čytačy — samaje kaštoŭnaje, što my majem, dla kaho štodzionna pracujem z 2007-ha hodu. Zastavajciesia ź Biełsatam!», — napisaŭ jon.
«Partały ŭžo atrymałasia pakul viarnuć u zvyčajny rytm pracy», — dadaŭ paśla jon.
Sajt «Biełsata» pierajšoŭ na minimalny režym pracy
Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale
Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»