U Biełarusi spynili tranślacyju kanała «Źviezda» rasijskaha Minabarony
Kanał bolš nie zmohuć pahladzieć karystalniki telebačańnia ZALA.
23.07.2024 / 14:16
«Biełtelekam» paviedamiŭ, što telebačańnie ZALA spyniaje tranślacyju rasijskaha patryjatyčnaha kanała «Źviezda», jaki naležyć miedyjahrupie Minabarony RF.
Ab pryčynach vyklučeńnia kanała z kabielnych pakietaŭ nie paviedamlajecca. Chutčej za ŭsio, heta źviazana z tym, što termin dazvołu na raspaŭsiud kanała, vydadzienaha ŭ 2021 hodzie, skončyŭsia.
Pry hetym u ZALA viarnulisia dva kanały, jakija «Biełtelekam» nazvaŭ papularnymi — «Usad́ba-TV», jaki raspaviadaje pra žyćcio za horadam, i «Fieniks plus kino» ź filmami i sieryjałami.
Telekanał «Źviezda» nazyvajuć «hramadska-patryjatyčnym» kanałam, u jaho efiry tranślujecca ŭ tym liku rasijskaja prapahanda vajny suprać Ukrainy.