Dvoje čałaviek patanuli na adnym voziery ŭ Bychavie
Za minułyja sutki ŭ vadajomach krainy patanuli čatyry čałavieki, paviedamlaje MNS Biełarusi.
21.07.2024 / 12:49
Dniom u subotu ratavalniki dastali z vady cieła piensijanierki, jakaja patanuła ŭ race Sož u Kryčavie. Paźniej stała viadoma ab patanułym maładym čałavieku 1998 hoda naradžeńnia ŭ voziery Cykonaŭskaje ŭ Homielskim rajonie.
Uviečary stała viadoma pra jašče dvuch mužčyn, jakija kupalisia ŭ voziery Kałasoŭskaje na ŭskrainie Bychava. Ratavalniki prybyli na miesca apieratyŭna, ale vyratavać patanułych nie ŭdałosia.
Raniej Tavarystva vyratavańnia na vodach paviedamlała pra toje, što za minułaje paŭhodździe ŭ krainie patanuli 165 čałaviek. U pačatku biahučaha tydnia ASVOD zajaviŭ ab 20 patanułych usiaho za adzin dzień — 14 lipienia. Zahinuli 19 darosłych i adno dzicia.