Zamiest SMS — vyćcio siren. MNS choča pamianiać sistemu apaviaščeńnia padčas niepahadzi
Kiraŭnik Administracyi Łukašenki Dźmitryj Kruty zajaviŭ padčas pracoŭnaj pajezdki pa Mahiloŭskaj vobłaści, što SMS-rassyłki, jakimi zajmajecca MNS, vyklikajuć u hramadzian tolki ŭśmiešku, a heta značyć, što takaja sistema nieefiektyŭnaja. Dziela taho dumajuć źmianić padychod na bolš surjozny.
20.07.2024 / 19:35
Fota ilustracyjnaje
«Tamu z kalehami z MNS dumajem faktyčna pra farmat vajennaha času — apaviaščalniki, hučnyja sireny, jakija buduć imhnienna ŭklučacca pry takich urahannych viatrach i patencyjna bačnych strašnych źjavach. I ludzi buduć razumieć, što treba biehčy ŭ schovišča».
Čynoŭnik padkreśliŭ, što asnoŭny sens takich zachadaŭ — vyratavać čałaviečyja žyćci, bo ŭ apošniuju niepahadź zahinuli ludzi. Tamu zadača MNS — karennym čynam pamianiać sistemu apaviaščeńnia, i heta budzie kompleks rašeńniaŭ.
Urahan zakranuŭ nasielenyja punkty, u jakich žyvie bolš za miljon čałaviek
«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury
Zaleva ŭ Minsku, vierahodna, była najmacniejšaj za ŭsiu historyju nazirańniaŭ