Na Brasłaŭščynie rybak palez ratavać adarvanuju snaść i patanuŭ
U MNS Viciebskaj vobłaści paviedamili, što pad viečar 19 lipienia ŭ Brasłaŭskim rajonie patanuŭ mužčyna. Zdareńnie adbyłosia na voziery Buža, niepadalok ad vioski Kruki.
20.07.2024 / 17:38
Skrynšot ź videa
Rybak vudziŭ z draŭlanaj kładki na bierazie voziera. Adnak paśla čarhovaha zakidańnia vudy ŭ jaho adarvałasia karmuška, jakoj mužčynu stała škada.
Kab uratavać kaštoŭnuju snaść, jon skoknuŭ u vadu i papłyŭ, ale na zvarotnym šlachu niešta zdaryłasia i čałaviek pačaŭ tanuć.
Svajaki rybaka spačatku sami sprabavali vyratavać mužčynu, adnak potym vyklikali ratavalnikaŭ.
Na žal, tyja zmahli tolki adšukać cieła, jakoje znachodziłasia za 18 mietraŭ ad bieraha, na hłybini kala 4 mietraŭ.
Sumny rekord: za niadzielu ŭ Biełarusi patanuli 20 čałaviek
U Homieli mužčyna patanuŭ, ratujučy svajho sabaku
U Pinsku mužčyna patanuŭ, ratujučy čužuju dziaŭčynku
U Miadzielskim rajonie ŭ sažałcy patanuŭ dvuchhadovy chłopčyk
Z pačatku hoda ŭ Biełarusi patanuli 165 čałaviek