30 гадоў таму Лукашэнка афіцыйна стаў прэзідэнтам Беларусі
10 ліпеня адбыўся другі тур, а 20 ліпеня прайшла інаўгурацыя, пасля якой Лукашэнка афіцыйна ўступіў на пасаду.
20.07.2024 / 08:06
Момант інаўгурацыі. Стоп-кадр афіцыйнай відэахронікі
З таго часу ён афіцыйна перамагаў на выбарах яшчэ пяць разоў: у 2001-м, 2006-м, 2010-м, 2015-м і 2020-м гадах.
Прычым абвяшчэнне вынікаў у 2006-м, 2010-м і 2020-м прыводзіла да пратэстаў.
Фальсіфікацыя вынікаў выбараў у 2020 годзе прывяла да нечуваных шырокіх пратэстаў, якія доўжыліся некалькі месяцаў.
У адказ улады разгарнулі масавыя рэпрэсіі, дзясяткі тысяч людзей прайшлі праз адміністрацыйныя арышты і штрафы, тысячы — праз СІЗА і калоніі, дзясяткі тысяч, калі не сотні тысяч былі вымушаныя эміграваць.
Паводле «Вясны», па стане на 20 ліпеня 2024 года, у Беларусі 1378 палітвязняў, якія знаходзяцца на дадзены момант у калоніях, турмах, СІЗА ці на хіміі.
Праект Dissidentby піша аб 1486 палітвязнях (у тым ліку 186 жанчын і 4 непаўналетніх)
Лукашэнка, дарены, далёка не рэкардсмен у кіраванні краінамі.
Прэзідэнт Экватарыяльнай Афрыкі Тэадора Абіянг Нгема Мбасога кіруе сваёй краінай 45 гадоў з 1979 года, прэзідэнт Камеруна Поль Бія — 42 гады (з 1982 года).